• Sunday, 19 May 2013
  • Nepal Time: 01:48 PM
  • Japan Time: 05:03 PM

मैनाली मुद्दाबारे सरकारी वकिल पुनरावेदनमा नजाने

फैसला छिट्टै आउने

 काठमाण्डौ । एक जापानी महिलाको हत्या अभियोगमा १५ बर्ष जेल बसेर अघिल्लो महिना रिहा भएका नेपाली गोविन्दप्रसाद मैनालीको मुद्दामा अब छिट्टै अदालती प्रकृया सुरु हुने भएको छ । मैनालीको मुद्दा पुनरावलोकन गर्न नहुने भन्दै सरकारी वकिलले दायर गरेको रिटमा सरकारी वकिलको बिपक्षमा फैसला भएपछि अब सरकारी बकिल फेरि पुनराबेदनमा नजाने भएका हुन् ।

नेपालमै बसेर मुद्धा लड्न पाउने गरी मैनाली जेलमुक्त भई स्वदेश फर्कि सकेको अवास्थामा सरकारी वकिलले पुनरावेदनमा नजाने विहीवार घोषणा गरेका छन् । घोषणापछि अब मुद्धाका वारेमा केही दिनमै अन्तिम फैसला आउने वताइएको छ । फैसलापछि मैनालीले क्षेतिपूतिका लागि प्रकृया सुरु हुने छ । प्रमाणहरुको डीएनए परिक्षण गर्दा हत्यामा मैनालीको संलग्नता नदेखिएपछि मैनालीका वकिलहरुले मुद्दा पुन सुनुवाईका लागि माग गरेका थिए । अब मैनालीको मुद्दाबारे पछिल्ला प्रमाणहरुलाई आधार मानेर सुनुवाई हुनेछ । उनी निर्दोष सावित हुने र क्षतिपूर्ति पाउने लगभग पक्का रहेको मैनाली सहयोग समितिका सदस्यहरुले बताएका छन् ।

यसअघि मंगलबार भएको सुनुवाईमा न्यायाधीश मासाकाजु याकीले मैनालीको मुद्दा पुन सुनुवाई गरि अन्तिम किनारा लगाउन आदेश दिएका थिए । सरकारी वकिलले मैनाली दोषी रहेकाले उनको मुद्दा पुनः सुनुवाई गर्न नहुने भन्दै दिएको रिटमाथि अदालतले यस्तो आदेश दिएको थियो । दुई महिना पहिले भएको सुनुवाईका क्रममा अदालतले मैनालीलाई रिहा गरि जेल बाहिर बसेरै मुद्दा लड्न पाउनुपर्ने फैसला गरेको थियो । सोहीअनुसार मैनाली रिहा भएर नेपाल फर्किएका छन् । मैनाली रिहा भएपछि सरकारी वकिलले उनी दोषी भएको भन्दै मुद्दा पुनरावलोकन नगर्न माग गर्दै रिट दायर गरेका थिए ।

Write a Comment

थप हेडलाइनहरु