• Sunday, 22 April 2018
  • Nepal Time: 06:12 PM
  • Japan Time: 09:27 PM

रक्सीले मानिसलाई नजिक्याउँदो रहेछः दीपाश्री निरौला

deepa-shree-niraulaतपाईंको घरको अर्थमन्त्री को हो ?

गृहमन्त्री, अर्थमन्त्री, सञ्चारमन्त्री जम्मै म आफैं हो ।

मासिक घरखर्च कति हुन्छ ?

यति नै भन्ने हुँदैन । औसतमा २० देखि ३० हजार रुपैयाँसम्म हुन्छ । पाहुनापात बढी भएको महिना ५० हजारसम्म हुन्छ ।

खर्चको विवरण राख्ने गर्नुभएको छ कि छैन ?

छैन । यो महिना यति खर्च गरियो भन्ने अनुमानचाहिँ गर्छु ।

केमा बढी खर्च हुन्छ ?

लत्ताकपडामा सबैभन्दा बढी हुन्छ । त्यसपछि खानपिनमा । गाडी पाल्नुपरेकाले पनि खर्च बढेको छ । सर्भिसिङ गर्नुपर्‍यो, पेट्रोल हाल्नुपर्‍यो । मोबाइलमा पनि खर्च हुन्छ । बाबुआमा भएको घर, औँसीपूर्णिमामा मानिस आइरहन्छन्, दानदक्षिणा दिनुपर्छ । यसमा पनि खर्च हुन्छ ।

तरकारी, लत्ताकपडा आदिमा कति खर्च होला ?

कपडामा मासिक १०–१५ हजारजति हुन्छ होला । खाद्यान्नमा ७–१० हजारजति हुन्छ । पत्रपत्रिकाको पनि म नियमित ग्राहक हुँ । कहिलेकाहीँ किताब पनि किन्छु । जीवनी र मन छुने खालका कथा, उपन्यासका किताब मागेर होइन, किनेर पढ्ने मेरो बानी छ ।

धूम्रपान, मद्यपानमा मासिक कति खर्च हुन्छ ?

धूम्रपानमा एक रुपैयाँ पनि हुँदैन । मद्यपानमा चाहिँ भइरहन्छ । रक्सीले मानिसलाई नजिक्याउँदो रहेछ । त्यसैले पार्टी गरिरहन्छु । जाडोमा रक्सीमा बढी खर्च हुन्छ ।

मोबाइलमा कतिजति खर्चिनुहुन्छ ?

औषतमा मासिक तीन हजार । कामको चाप बढेका वेला मोबाइलको प्रयोग पनि बढ्छ । त्यतिवेला पाँच हजारसम्म खर्च हुन्छ ।

मासिक आम्दानी कति हुन्छ ?

कहिलेकाहीँ मनग्गे हुन्छ, कहिलकाहीँ कम । उसो त मेरो कमाइ राम्रो छ । कमाएको रकम नउठेर मात्र हो ।

कति पैसा उठ्न बाँकी होला ?

सबैतिरबाट उठ्यो भने हातमा त्यस्तै ३०–४० लाख पर्ला ।

तपाईंको आम्दानीका स्रोत के–के हुन् ?

टेलिसिरियल ‘तितो सत्य’ मुख्य स्रोत हो । एफएम, विज्ञापनमा काम गर्दा पनि पैसा आउँछ । स्टेज पोग्राम पनि गर्छु।

घर भाडामा लगाउनुभएको छैन ?

भर्खरै त घर किनेँ, के लगाउनु भाडामा ?

पछिल्लो एक वर्षमा बजेट घाटा छ कि नाफा ?

हिसाब गरेको छैन । राम्रैसँग बाँचिएको छ भनौँ न ।

ऋण कत्तिको लिनुहुन्छ ?

खासै लिँदिनँ । घर किन्दा लिएकी थिएँ । चुत्ता गरिसकेँ ।

घरबाहिर हिँड्दा खल्तीमा कति पैसा बोक्नुहुन्छ ?

कहिले एक रुपैयाँ पनि बोकिँदैन, कहिले लाखसम्म बोकिन्छ । एभरेजमा भन्नुपर्दा त्यस्तै एक हजारदेखि पाँच हजारको बीचमा बोकिएला । एटिएमले पैसा बोक्नै नपर्ने बनाइदिएको छ ।

अहिलेसम्म पैसा हराउनुभएको छ कि छैन ?

धेरै हराउँछु । केही दिनअघि घरमै चोरी भयो । पाँच लाख हरायो । प्रहरीले अनुसन्धान गरिरहेको छ । न्यायाधीश रणबहादुर बमको हत्यारा पत्ता लगाएर प्रहरीले आफ्नो क्षमता देखाइसकेको छ । मेरो घर फोर्ने व्यक्ति पनि पत्ता लाग्ला र मेरो पैसा फिर्ता होला भन्नेमा म आशावादी छु ।

बाटोमा पैसा भेट्टाउनुभएको छ कि छैन ?

भेटिरहन्छु । एक–दुई रुपैयाँ भेटेँ भने टिप्दिनँ । पाँच सय, हजार रुपैयाँ भेटेँ भनेचाहिँ टिप्छु । यसरी भेटेको पैसा पशुपति गएर गरिबहरूलाई दान दिइहाल्छु ।

पछिल्लोपटक कहिले भेट्नुभयो ?

डेढ महिनाअघि मर्निङवाकमा जाँदा पशुपतिमा एक हजार रुपैयाँ भेटेँ । माग्नेहरूलाई बाँड्नु भनेर भगवान् शिवले पैसा झारिदिएजस्तो लाग्यो । बाँडिदिएँ ।

पैसा नभएर कुनै काम अड्किएको छ ?

भगवान्को कृपाले सबै पुगेको छ । फेरि म ठूलो सपना बोक्दिनँ । मेरा सपना साना छन्, जुन पूरा गर्न भएको पैसाले पुगिरहेको छ । सानो कुराले नै मलाई फुरुंग बनाउँछ ।

आफू कतिको खर्चालु छु जस्तो लाग्छ ?

खर्चालु नै छु । ‘यो कति खर्च गर्छे’ भनेर दिदीबहिनीले मलाई गाली गर्छन् । हिजो खर्च गर्नलाई पैसा थिएन । अहिले भएका वेला खर्च गर्न मन सानो किन बनाउने भन्ने लाग्छ ।

महँगीबाट कति पीडित हुनुहुन्छ ?

छु नि । बुबाका पालामा एक रुपैयाँमा कतिबिघ्न सामान आउँन्थ्यो रे भन्ने सुन्छु । अहिले एक लाख रुपैयाँ लिएर सपिङ गर्न गयो भने एकैछिनमा सकिन्छ ।

के किन्दा महँगी बढेको महसुस बढी हुन्छ ?

खाद्य सामग्री किन्दा । चामल, तरकारी आदिको भाउ छोइनसक्नु भएको छ । लुगामा पनि महँगी आकासिएको छ । एक हजारजति पर्ला भनेको लुगा पाँच हजारघटि आउँदैन ।

(साभारः नयाँ पत्रिका)

One Comment on “रक्सीले मानिसलाई नजिक्याउँदो रहेछः दीपाश्री निरौला”

  • a wrote on 4 January, 2015, 12:26

    Dipak giri sangaa chikkkeera thaakeeyoo ? Office ko toilate maa chikktheyoo, yee kuraa grrera saddhyee nai nvyeeko hunaale kee vnnu. ali samayee ta, lukaai raakheyo, sadhaai lukaaunaa nsaknee, jee prrlaa, prrlaa vnera, mjaaalee chikkeyoo. waastaai Ngrri chikeeko yo aaimaaile. vko tehi hoo. Bihe ta greeko chaainaa. tra valyaaattt booyaailar bhayoo. Raatoo dinn chikkdaa( garvv rokknaa Aausadhii Nkhaaiivyeenaa, ani ta herrdaai chinnchaaa kee). Aafaai mottaayeko r Bessrii chikkera( garva rokne aausadhi) khaayera mottayeko, chinnchaaa.

    [Reply]

Write a Comment

थप हेडलाइनहरु

    None Found